Կայացավ EduX-ի հերթական արտագնա սեմինարը Հանքավանում
Մայիսի 29–31-ը Հանքավանի գեղատեսիլ բնության գրկում՝ Nairi Resort հյուրանոցային համալիրում, հաջողությամբ կայացավ EduX-ի հերթական մասնագիտական արտագնա սեմինարը։ Այս անգամ միջոցառումը համախմբել էր ֆինանսաբանկային ոլորտի մասնագետներին, ովքեր եկել էին ոչ միայն խորացնելու իրենց գիտելիքները, այլև ակտիվորեն փոխանակվելու փորձով և քննարկելու ոլորտի արդի մարտահրավերները։
Միջոցառումն անցավ բարձր մասնագիտական մակարդակով՝ կատարյալ համադրելով արդյունավետ ուսուցումը, գործնական մոտեցումներն ու որակյալ հանգիստը։
Երկօրյա ինտենսիվ աշխատանքի և ակտիվ քննարկումների արդյունքում մասնակիցները ստացան.
Ոլորտային արդի թեմաների քննարկում. Անդրադարձ կատարվեց ֆինանսաբանկային համակարգի վերջին տենդենցներին, զարգացումներին և իրավական կարգավորումներին։
Գործնական մոտեցումներ. Բոլոր քննարկումները հիմնված էին իրական քեյսերի վրա, ինչը թույլ տվեց ստանալ անմիջապես աշխատանքում կիրառելի լուծումներ։
Փորձի ակտիվ փոխանակում. Տարբեր կառույցներից ժամանած մասնագետները հնարավորություն ունեցան կիսվելու իրենց առօրյա պրակտիկայում հանդիպող խնդիրներով ու դրանց հաղթահարման տարբերակներով։
Օգտակար նեթվորքինգ. Ստեղծվեցին նոր մասնագիտական կապեր և գործընկերային հարաբերություններ, որոնք հիմք կդառնան հետագա համագործակցությունների համար։
Գիտելիք, փորձ և բարձրակարգ հանգիստ բնության գրկում
EduX-ի ձեռագիրն անփոփոխ է. մենք հավատում ենք, որ լավագույն արդյունքը ծնվում է ճիշտ միջավայրում։ Հանքավանի հիասքանչ բնությունը և Nairi Resort-ի հարմարավետ պայմանները ստեղծել էին բարենպաստ մթնոլորտ թե՛ կենտրոնացված մասնագիտական աշխատանքի, թե՛ ոչ ֆորմալ շփումների ու լիարժեք վերականգնման համար։
Մասնակիցներին հաջողվեց մեկ ուղևորության ընթացքում միավորել անձնային ու մասնագիտական զարգացումը և որակյալ հանգիստը։
Շնորհակալություն վստահության համար
Մենք սրտանց շնորհակալություն ենք հայտնում բոլոր մասնակիցներին՝ ակտիվ ներգրավվածության, բարձր պրոֆեսիոնալիզմի և մեզ վստահելու համար։ Ձեր էներգիան ու զարգանալու ձգտումն է, որ մեզ մոտիվացնում է ստեղծել նմանատիպ նախագծեր։
EduX-ի հետ զարգացումը սկսվում է ճիշտ որոշումից և ճիշտ միջավայրից։
Մինչ նոր, էլ ավելի արդյունավետ ու տպավորիչ հանդիպումներ։
