Արժեթղթերի շուկան մեր առօրյայում լսվող և քննարկվող տարածված հասկացություններից մեկն է: ԶԼՄ-ներով ամեն օր հաղորդում են արժեթղթերի գների փոփոխության, արժեթղթերի շուկայի սպասվող վերելքի կամ անկման մասին: Ուստի, կարևոր է հասկանալ, թե ինչպես են իրականում գործում տեղական և միջազգային կապիտալի շուկաները:

Edux կրթական ակադմիան ներկայացնում է «Արժեթղթերի շուկան՝ իր ողջ հմայքով» դասընթացը։

ՆՊԱՏԱԿԸ

Ծրագրի նպատակն է դասընթացի մասնակիցներին ծանոթացնել արժեթղթերի շուկայի գործառական ընդհանուր բնութագրին, մասնավորապես՝

• արժեթղթերի թողարկմանը
• տեղաբաշխմանը և շրջանառությանը
• արժեթղթերում ներդրում իրականացնող անձանց
• արժեթղթերի շուկայում միջնորդական ծառայություններին
• արժեթղթերի շուկայի ենթակառուցվածքին

Այս ամենը հնարավորություն կընձեռի ձեռք բերել հիմնային գիտելիքներ արժեթղթերի շուկայի վերաբերյալ, որոնք անհրաժեշտ են ոչ միայն սեփական խնայողությունների այլընտրանքային կառավարման, այլև արժեթղթերի շուկայի միջոցով բիզնես նախաձեռնությունների ֆինանսավորման հայթայթման և ֆինանսական ձեռներեցության տեսանկյունից միջնորդական ծառայություններով զբաղվելու համար:

Ի՞ՆՉ ԳԻՏԵԼԻՔՆԵՐ Է ՍՏԱՆՈՒՄ ՄԱՍՆԱԿԻՑԸ

• արժեթղթերի միջոցով ֆինանսավորման մեխանիզմի վերաբերյալ տեսական և գործնական կարողություններ
• արժեթղթերում ներդրման հնարավորությունների վերաբերյալ տեսական և կիրառական ունակություններ
• արժեթղթերի շուկայում միջնորդական ծառայությունների մատուցման արհեստավարժություն  
• արժեթղթերի շուկայի ենթակառուցվածքի ֆունկցիոնալ գործունեության վերաբերյալ գործնական հմտություններ 

ԾՐԱԳՐԻ ԿԱՌՈՒՑՎԱԾՔԸ

• Արժեթղթերի թողարկում, տեղաբաշխում և շրջանառություն։ Արժեթղթերի տեսակները (այդ թվում՝ ներդրումային թոքեները) և բնութագրերը, դրանց թողարկման և տեղաբաշխման առանձնահատկությունները Հայաստանում՝ ըստ թողարկողի և արժեթղթերի տեսակի, ինչպես նաև՝ տեղաբաշխման ձևի, Հայաստանում արժեթղթերի շրջանառության առանձնահատկություննները: 
• Արժեթղթերի ներդրողներ։ Արժեթղթերի ներդրողների դասակարգումը և նրանց բնութագիրը․ անհատական և ինստիտուցիոնալ, որակավորված ներդրողներ: Ներդրումային (այդ թվում՝ կենսաթոշակային) ֆոնդերը որպես կոլեկտիվ ներդրումային սխեմա՝ գործունեության առանձնահատկությունները Հայաստանում:
• Արժեթղթերի շուկայի միջնորդական ծառայություններ։ Արժեթղթերի շուկայի միջնորդական ծառայությունների տեսակները և դրանց բնութագիրը: Հայաստանում նման ծառայություններ մատուցող անձինք և մատուցման առանձնահատկությունները:
• Արժեթղթերի շուկայի ենթակառուցվածք։ Արժեթղթերի շուկայի առևտրային համակարգը և ֆունկցիոնալ բնութագիրը՝ Հայաստանի ֆոնդային բորսայի օրինակով: Արժեթղթերի պահառության, հաշվարկաքլիրնգային համակարգերը և դրանց ֆունկցիոնալ բնութագրերը՝ ՀՀ կենտրոնական բանկի և Հայաստանի կենտրոնական դեպոզիտարիայի օրինակով: 

Դասընթացը կվարի ՀՀ կենտրոնական բանկի շուկայական վարվելակերպի և արժեթղթերի շուկայի մասնակիցների վերահսկողության բաժնի պետ՝ Գոռ Հայրապետյանը։

Edux կրթական ակադեմիան շարունակելու է նպաստել գիտելիքահենք հասարակության ձևավորմանը։