Նպատակ
Մասնակիցներին ներկայացնել սնանկության վարույթների նպատակը, տեսակները, առանձնահատկությունները, հետևանքները, ռիսկերը, վարույթի մասնակիցների պատասխանատվությունը, ինչպես նաև սնանկության նոր օրենսգրքով նախատեսված փոփոխությունները։
Ի՞նչ գիտելիքներ է ստանում մասնակիցը
Դասընթացի արդյունքում մասնակիցը պատկերացում կկազմի սնանկության վարույթի տեսակների, առանձնահատկությունների, վարույթի մասնակիցների իրավունքների, պարտականությունների ու պատասխանատվության մասին, կներկայացվեն պրակտիկայում առավել հաճախ հանդիպող խնդիրները և դրանց հնարավոր լուծումները։ Մասնակիցները կծանոթանան ֆինանսական առողջացման ծրագրի ներկայացման կարգին, դրա նշանակությանը և հետևանքներին, լուծարման վարույթի առանձնահատկություններին։
Մասնակիցները տեղեկացված կլինեն նաև 2026 թվականին ընդունվելիք Սնանկության օրենսգրքով նախատեսված նոր կարգավորումների ու դրանց հետևանքների մասին։
Ծրագրի կառուցվածք
Դասընթացի ընթացքում կներկայացվեն ինչպես՝ գործող իրավակարգավորումները, այնպես էլ նախատեսվող փոփոխությունները նոր ընդունվելիք Սնանկության օրենսգրքով։
Ու՞մ համար է նախատեսված
Սնանկության վարույթներին առնչվող իրավաբանական անձանց համար, ինչպես պարտապանի կարգավիճակով, այնպես էլ պարտատիրոջ։ Նույնիսկ ամենակայուն ֆինանսատնտեսական իրավիճակում գտնվող անձինք կարող են բախվել սնանկության վարույթների հետ կապված խնդիրների։ Դասընթացը օգտակար է կազմակերպությունների ղեկավար կազմի, ֆինանսիստների, հաշվապահների ու իրավաբանների համար։
«Եղիազարյան և գործընկերներ» փաստաբանական ընկերության հիմնադիր տնօրեն, Փաստաբանների պալատի անդամ, Սնանկության գործերով կառավարիչ
